Nishani: Njerëzit me rekorde kriminale të largohen menjëherë nga politika

Presidenti, Bujar Nishani, ka thyer heshtjen për një prej çështjeve të nxehta të ditëve të fundit të politikës shqiptare, dekriminalizimin.

Kreu i Shtetit ka kërkuar të mos humbet kohe me largimin e individëve me rekorde kriminale.

Nishani: “Në respekt të marrëveshjes së arritur mes shumicës dhe opozitës të vijojnë procesin e largimit të të gjithë personave me rekorde kriminale,kudo që ata të jenë në parlament, në adminsitratë dhe pavarësisht se çfarë ngjyrimesh ata kanë përfaqësuar në aspektin politik”.

Arrestimi i dy deputetëve të Kuvendit të Shqipërisë, Tom Doshi dhe Mark Frroku, është shoqëruar me akuza për ndikim politik te sistemi i drejtësisë. Apeli i Nishanit ishte:

Nishani:  “Ajo që unë kam bërë publike dhe vazhdoj ti qëndroj është në lidhje në radhë të parë me mbështjetjen e plotë të institucioneve të drejtësisë për të hetuar dhe gjykuar në mënyrë të drejtë, transparente dhe të paanshme për të pasur mbështetjen e plotë nga të gjitha institucionet që të kryejnë misionin e tyre kushtetues”.

Nurmi 1 i shtetit në mënyrë të përsërtirur ka apeluar klasën politike të mbaje premtimin e firmosur me marrëveshje në 24 dhjetor, për të dekriminalizuar institucionin e Parlamentit.