Nishani takon sot ministren Nikolla për ligjin e Arsimit të lartë

Presidenti Bujar Nishani do të zhvillojë sot paradite një takim me  Ministren e Arsimit dhe Sportit Lindita Nikolla lidhur me ligjin e arsimit të lartë.

Takimi do të zhvillohet në orën 11:00 , ku pritet që Presidenti të dëgjojë argumentat pro ligjit të Ministres përpara dekretimit të tij.

Ndërkohë në takimin konsultues me përfaqësues të qarqeve akademike dhe universitare mbi draftin e arsimit te larte, pak ditë më parë, kryetari i Shtetit, tha se do të interpretojë vetëm Kushtetutën, jashtë çdo ndikimi politik.

Përfaqësues të spikatur të arsimit të lartë, të cilët edhe më herët nv tryezat e Kuvendit e kanë kundërshtuar draftin u përpoqën ti shpjegojnë Presidentit defektet e tij duke dhënë dhe argumentet përkatës.

Liri i ri shpjeguan ata, cënon autonominë, krijon pabarazi mes Universiteteve publike dhe atyre private dhe rrit tariat për studentët.
Kreu i Shteti pritet ta kthejë sërish në Kuvend për shqyrtim ligjin për arsimin e lartë, pas kundërshtimeve të forta të akademikëve dhe pedagogëve.

Ndërkohë opozita ka avancuar në qëndrimin e saj duke paralajmëruar, padi në Gjykatën Kushtetuese.