Një i ri qëllon me grusht në fytyrë kryeministrin e Spanjës (video)

Ka edhe keshtu. Sigurisht që nuk është një statujë plastike si ajo që hëngri kokës pak vite më parë ish-kryeministri italian Silvio Berlusconi. Megjithatë edhe grushti që ka marrë në fytyrë kryeministri spanjoll Mariano Rajoy ndërsa po fliste me disa qytetarë nuk ishte më pak. Në pamjet e regjistruara duket një i ri që qëndron mjaft i qetë në krah të kreut të qeverisë. Pasi kalojnë disa momente ai i jep një të majtë fortë në fytyrë kryeministrit. Kanë ndërhyrë menjëherë truprojat që e kanë bllokuar agresorin dhe e kanë arrestuar atë. Kreu i qeverisë ka pësuar një goxha hematomë në anën e majtë të fytyrës.