Noka: Berisha luftoi me zero tolerancë bandat dhe krimin, Rama e ktheu Shqipërinë në Kolumbi të Europës
Sekretari i Përgjithshëm i PD-së, Flamur Noka thotë se ish-kryeministri Sali Berisha luftoi me zero tolerancë bandat dhe krimin, kurse Edi Rama e ktheu Shqipërinë në Kolumbi të Europës. reagimi vjen pasi vetë Berisha tha se është shpallur ”non-grata” nga Britania e Madhe.
”Edi Rama i futi vazhdimisht thika Kosovës dhe çështjes sonë kombëtare për interesa të Vuçiçit. Ai ndërton autostrada me 23 milion euro/km. Shpiku inceneratorët që të vjedhë qindra miliona euro “me ligj”. Edhe nëpërmjet të vdekurve po vjedh por s’e shikon kush, madje e shpallin “mbret të antikorrupsionit””.
Po ashtu Noka thekson se protesta historike e 7 korrikut tregoi se sovrani në Shqipëri ka parë dhe ka lexuar shqip gjithçka. ”Revolucioni demokratik do shpëtojë Shqipërinë dhe shqiptarët”.
Shkrimi i plotë
Sali Berisha ka 10 vjet në opozitë. Asnjë akuzë zyrtare, asnjë fakt dhe asnjë provë nuk ka kundër tij. Eshtë lideri më properëndimor që ka pas e ka Shqipëria. I deklaruar armik i papajtueshëm i Rusisë, i Putinit dhe i skemave të tyre në Ballkan. Sali Berisha transformoi Shqipërinë, e anëtarësoi vendin në Këshillin e Europës, në OSBE, në NATO, liberalizoi vizat dhe ndërtoi autostrada me 1 milion Euro kilometri. Dyfishoi rroga e pensione, risolli liritë themelore për shqiptarët dhe riktheu Shqipërinë në hartën e vende demokratike të Europës.
Luftoi me zero tolerancë bandat dhe krimin e organizuar dhe i vendosi përpara drejtësisë. Nuk promovoi asnjë kriminel për kryetar bashkie e as për deputet. I kundërti i tij Edi Rama e ktheu Shqipërinë në Kolumbi të Europës. Parlamentin dhe bashkitë i mbushi me kriminelë, vrasës e trafikantë droge, vendin e bëri protektorat të krimit.
Edi Rama i futi vazhdimisht thika Kosovës dhe çështjes sonë kombëtare për interesa të Vuçiqit. Ai ndërton autostrada me 23 milion euro/km. Shpiku inceneratorët që të vjedhë qindra miliona euro “me ligj”. Edhe nëpërmjet të vdekurve po vjedh por s’e shikon kush, madje e shpallin “mbret të antikorrupsionit”.
Shqiptarët ama shohin. Shqiptarët nuk do të lejojnë një Enver Hoxhë të dytë, pavarësisht nga i vijnë bekimet. Protesta historike e 7 korrikut tregoi se sovrani në Shqipëri ka parë dhe ka lexuar shqip gjithçka. Sovrani nuk pyet çfarë iu shkruajnë e iu trillojnë kancelarive dyshja Rama-Basha. Ngado të vijnë fermanët, nuk do mund ta frenojnë sovranin në këtë rrugë për rikthim të demokracisë dhe rivendosje të pluralizmit në Shqipëri. Revolucioni demokratik do shpëtojë Shqipërinë dhe shqiptarët!
