Noka ishte edhe në spital: Ra b@mbë ky lajm i ikjes tënde o Gerti. U prehsh në paqe! Dhimbja mbeti pas teje

Sekretari i Përgjithshëm i PD, Flamur Noka i cili ishte në spital kur mësoi për lajmin e arrestit kardiak që pësoi Gerti Bogdani, dhe e cilëson një bombë ikjen nga kjo botë. Përmes një reagimi në rrjetet sociale, Noka shpreh keqardhjen dhe dhimbjen për këtë lajm të kobshëm dhe vlerëson Bogdanin për kulturën e debatit dhe të qetësisë që solli në PD.

”Ra bombë ky lajm i ikjes tënde o Gerti. Djalë i ri, baba, bashkëshort, intelektual e me gjithë të mirat e Zotit. Solle në PD kulturë debati, qetësi e mirësjellje. Ndjej keqardhjen më të madhe për të shtrenjtët e tu që le pas dhe për jetën tënde të këputur në mes.

Thonë që nuk ka radhë në këto punë, thonë se janë punët e Zotit, por për mua e për të gjithë që ndanë çaste jete me ty është padrejtësi e madhe ikja kaq i ri. Ngushëllimet më të ndjera familjes Bogdani! Ngushëllime familjes tënde, që do të të mbajnë në zemër përjetë bashkë me miqtë e tu të shumtë. Lamtumirë Gert Bogdani! Të gjithë do të vijmë një ditë atje. U prehsh në paqe! Dhimbja mbeti pas teje”, shkruan Noka.