Nuk ndalojnë hakerat, nxjerrin të dhënat e kreut të SHISH-it

Në rrjetën e hakerave nga Irani sot ka rënë kreu i SHISH-it, Helidon Bendo. Në dokumentet e rrjetit të hakerave jepen të dhëna mbi familjen e Bendos, por edhe hyrje-daljet e tij që nga pikat kufitare tokësore dhe deri tek ato ajrore.

Materiali prej 10 faqesh përmban pasaportat, fotot, kartat ID, automjetet dhe levizjet TIMS. Më 19 shtator një publikim i ngjashëm do të bëhej për ish-drejtorin e Policisë së Shtetit Gledis Nano.

Helidon Bendo ndodhet në Shtetet e Bashkuara të Amerikës në një kurs trajnimi me kohë të plotë në një kohë kritike për Shqipërinë ku SHISH duhet të luante një rol parësor.