Numërohen 70% e kutive në Tiranë, ja si renditen kandidatët brenda listës së PS

Aktualitet Politikë E Enjte, 15 Maj 2025 12:24

Janë numëruar thuajse 70 për qind e kutive, përkatësisht 839 nga 1282 kuti votimi në Tiranë sa u përket votave preferenciale, brenda listës së kandidatëve të Partisë Socialiste dhe është krijuar grupi i atyre që kanë marrë mbështetje më të madhe, por edhe e atyre që tani e kanë kuptuar që nuk do jenë më në Parlament.

Në përfundim të numërimit të votave në kuti, do të numërohen edhe 42384 vota të Diasporës.

Më i votuari në Tiranë vazhdon të jetë Blendi Gonxhja, i cili ka marrë gati 16 mijë vota, ndërsa në vend të dytë është ministri i Brendshëm, Ervin Hoxha, i ndjekur nga dy senatorët e PS-së, Erion Bracce dhe Fatmir Xhafaj.

Një numër të konsiderueshëm votash ka marrë edhe deputeti aktual Orlando Rakipi, ndërohë që deri tani në listën fituese rezultojnë edhe dy zonja Anila Denaj dhe Kejsi Elezi.