Oerd Bylykbashi në Presidencë, Berisha zbulon telefonatën

Në mesin e politikanëve që Presidenti Bajram Begaj priti në Presidencë ditët e fundit për vendosjen e datës së zgjedhjeve lokale 2023, ishte edhe Oerd Bylykbashki nga grupi i Sali Berishës.

Këtë të premte ish-kryeministri është pyetur sesi qëndron e vërteta, nëse e ka kërkuar vetë deputeti Bylykbashi takimin me kreun e shtetit. Berisha tha se Bylykbashi është kontaktuar për të shkuar me ftesë të Presidentit.

”Jo një, por dy zyrtarë të lartë të presidencës, njëri shef kabineti, i kanë telefonuar Bylykbashit për t’i komunikuar kërkesën e Presidentit për takim duke i komunikuar se bëhet fjalë për zgjedhjet lokale. Çdo variant tjetër ëshë gënjeshtër. Çdo përpjekje e Edi Ramës për të parandaluar fitoren e opozitës e rikthimin e saj në pushtet do dështojë në mënyrën më të plotë”.