Operacionet dhe arrestimet në Shqipëri, reagon ambasadori i BE-së

Pas operacioneve të djeshme të Policisë së Shtetit, përqëndruar në disa qytete të vendit vjen reagimi i ambasadorit të BE-së, në vendin tonë, Luigi Soreca.

Në një postim në Twitter, ai vlerëson operacionin e ndërmarrë nga Policia e Shtetit dhe thekson se tashmë pret të shohë edhe vazhdimin e ndjekjeve penale dhe dënimeve.

“”Ne mirëpresim operacionin masiv anti droge të ndërmarrë sot në disa qytete nga policia e Shqipërisë. Të luftojmë kundër krimit të organizuar dhe trafikimit të drogës në Shqipëri është prioritet i Bashkimit Europian. Presim që ndjekjet penale dhe dënimet të vazhdojnë me rezultate të qëndrueshme”- shkruan ai.

Policia ne nje operacion antidrogë në Shijak dhe Durrës prangosi tre vëllezërit Avdyli, të njohur edhe si të fortët e Shijakut. Ne pranga u vune Astrit Avdyli, Flamur Avdyli dhe Shkëlqim Avdyli, kushëriri i parë, Jasim Avdyli së bashku me H. Hoxha, të dënuar në Turqi për trafik heroine dhe mbi 20 persona të tjerë.