Opozita thirrjen e fundit ndaj qytetarëve: Të gjithë për Kosovën në 28 nëntor

Partitë opozitare në Kosovë do të protestojnë më 28 nëntor në Prishtinë kundër marrëveshjeve atë të Asociacionit të Komunave Serbe dhe demarkacionit me Malin e Zi.

Pas një takimi liderët e Lëvizjes Vetëvendosje, Aleanca për Ardhmërinë e Kosovës, si dhe Nisma për Kosovën thanë se qeveria po rrezikon dhe po dëmton Kosovën.

Ymeri: Të gjithë qytetarët e Republikës që do të vijnë në shesh do ta kenë një kërkesë dhe një porosi të qartë dhe ajo është që Republika e Kosovës është e pacënueshme, Republika e Kosovës nuk është e ndashme dhe territori i Republikës së Kosovës nuk mund të falet”.Limaj: Shfrytëzojmë rastin që t’i bëjmë apel Qeverisë së Kosovës të ndërpresë këtë lojën, e ashtu quajturve diskutimeve të supozuar sepse tashmë edhe çdo fëmijë po e kupton që këto blofe të rrejshme sepse ata po frikohen vetëm prej qytetarëve, sepse këta nuk mund t’i frikësojnë qytetarët më tutje, të fillojnë të sillen si burrë shtetas.

Haradinaj: E dimë që pas bore stabilizohet moti , ne mendojmë që pas ditës së nesërme do të stabilizohet edhe Kosova.

Tre liderët e opozitës thanë se protesta do të jetë paqësore dhe 1 mijë persona janë angazhuar për ruajtjen e rendit.

Ndërkohë krerët e mazhorancës bënë thirrje që opozita të anulojë protestën për të lejuar qytetarët të festojnë ditën e pavarësisë.