Paketa “Antishpifje”/Mes akuzave të forta, deputetët e dërgojnë në Kuvend

Paraditen e kësaj të hëne, depuetët e PS dhe të “opozitës së re”, do të mblidhen në Komisionin e Medias, nga ku pritet që të kalojnë për votim në Kuvend, paketën “Antishpifje”. Ligji është kundërshtuar fort nga OSBE-ja dhe organizma të tjerë që i kanë vlerësuar të nxituara veprimet e qeverisë.

Në një kohë kur Shqipëria po merr kryesimin e OSBE, sipas tyre nisma të tilla shkojnë në drejtim të kundërt me garantimin e lirisë së medias.

Në komisionet parlamentare shoqatat e gazetarëve, institucionet e drejtësisë, pedagogë të gazetarisë dhe juridikut nuk kanë dhënë mbështetje mbi paketën ligjore të qeverisë. Dy ditët e fundit ata kanë firmosur dhe një peticion online.