Pakt PS-PD për votën e emigrantëve shqiptarë në 2025? Zbulohen draftet e partive të mëdha

Siç ka ndodhur gjithmonë që vendimet kryesore i lënë që të firmosen në momentet e fundit, demokratët dhe socialistët janë gati të mundësojnë votimin e shqiptarëve jashtë vendit në zgjedhjet e 2025. Të mërkurën pasdite është thirrur mbledhja e Komisionit Parlamentar për Çështjet Ligjore, ku do të testohet vullneti i dy partive të mëdha për mënyrën dhe formën sesi do të implementohet votimi nga jashtë.

Në draftet që Top Channel disponon, atë të PS-së dhe atë të PD-së, një pikë që duket se i ka bashkuar të dyja palët, është domosdoshmëria e pasjes së një adrese për të gëzuar të drejtën e votës nga jashtë.

Socialistët e kanë ulur pragun për të kaluar nga pjesa humbëse e listës në atë fituese në jo më shumë se 7 mijë vota. Demokratët nuk kanë të shkruar asnjë rresht për votën preferenciale, por në takimin e fundit propozuan një formulë miks.

Në mbledhje pritet që të shqyrtohen edhe propozime të partive parlamentare dhe jo parlamentare për kodin elektoral. Draftet që do marrin miratimin e Komisionit të Ligjeve pritet t’i kalojnë seancës plenare për votim.