Panariti: Ndalimi i koalicioneve parazgjedhore, antikushtetuese dhe minim i themeleve të demokracisë

Ish-ministri dhe ish-deputeti i Lëvizjes Socialiste për Integrim, Edmond Panariti deklaron se të ndalësh koalicionet parazgjedhore, është antikushtetuese dhe do të të thotë të minosh themelet e demokracisë.

Në një reagim përmes faqes së tij zyrtare në rrjetin social “Facebook”, Panariti shprehet se koalicionet parazgjedhore u japin mundësi zgjedhësve të përzgjedhin alternativa qeverisëse që para hedhjes së votës.

“Të ndalësh koalicionet parazgjedhore, është antikushtetuese dhe do të të thotë të minosh themelet e demokracisë.

Vetëm në Evropën Perëndimore që nga viti 1946 janë formuar 250 koalicione parazgjedhore të cilat përgjithësisht kanë krijuar qeverisje të qëndrueshme jo autarkike dhe jo despotike.

Koalicionet parazgjedhore u japin mundësi zgjedhësve të përzgjedhin alternativa qeverisëse që para hedhjes së votës.

Kjo i jep më shumë legjitimitet qeverisjes dhe pengon pazaret shantazhues pas zgjedhore”, shprehet ish-deputeti i LSI-së, Edmond Panariti.