Papa thirrje rinisë: Duhet kurajo për t’u martuar, mos merrni rrugën e lehtë

Gjatë meshës me rastin e takimit botëror të familjeve, Ati i Shenjtë Papa Françesku ju drejtua rinisë duke i thënë se duhet kurajo për tu martuar, dhe se ata të mos marrin rrugën e lehtë.

“Në momente të vështira, që të gjitha familjet i kanë, mos merrni rrugën e lehtë, ndoshta për t’u kthyer te nëna juaj, por vazhdoni dhe rizbuloni dashurinë. Sepse dashuria familjare i shtyn fëmijët të fluturojnë, i mëson fëmijët të fluturojnë dhe i shtyn ata të fluturojnë.

Ajo nuk është posesive, është gjithmonë e lirë. Dhe pastaj në momente të vështira, në kriza, të gjitha familjet kanë krizë, ju lutem, mos merrni rrugën e lehtë, “do të kthehem te nëna ime”, jo, vazhdo me guxim. Do të ketë momente të vështira, vazhdoni gjithmonë”, shton Papa.