Parku Arkeologjik i Apollonisë, Rama e “risjell” në jetë me gjallërinë festive të fëmijëve

Parku Arkeologjik i Apollonisë, sot nuk ishte, ai qe e pranon historia dhe e dëshmon arkeologjia, që u themelua në shekullin VI p.e.s. nga fiset ilire të zonës, as një prej destinacioneve më të rëndësishme arkeologjike dhe kulturore në Shqipëri, por një kartolinë e gjallë e festave, plot ngjyra dhe dinamizëm.

Përmes një fotogalerie të publikuar në rrjetet sociale, Rama e shfeton këtë kartolinë të bukur festash, faqe pas faqeje, duke treguar një tjetër Park Arkeologjik i Apollonisë, jo të populluar nga turistë, por të jetësuar si për kremte, nga fëmijë të veshur me kostumet e babagjyshit të Vitit të Ri, si një ogur i mirë, për mbylljen e këtij viti dhe nisjen e një viti tjetër sfidash dhe përpjekjesh, për një Shqipëri që do t’u përkasë atyre, fëmijëve, atyre që sot luajnë dhe vrapojnë, përqafohen dhe pozojnë në rrënojat e një qytetërimi, të cilin ata do ta rijetësojnë me veprat dhe përpjekjet e tyre, për ta kthyer atë në lavdinë dhe përmasat e atij qytetërimi, që sot flet me rrënoja, dhe nesër me vizione.

Albert Vataj