Parlamenti Europian: Shqipëria të përshpejtojnë reformat. Politika e Jashtme është e njëjta me BE

Eurodeputetët në Komitetin e Punëve të Jashtme, kërkojnë nga Shqipëria dhe Maqedonia e Veriut, ku edhe patën takime ditët e fundit, që të avancojnë në reformat në lidhje me integrimin në Bashkimin Europian. Kjo duke i dhënë përparësi dialogut politik konstruktiv, demokratizimit, sundimit të ligjit, lirinë e medias dhe luftën kundër korrupsionit dhe krimit të organizuar.

Po ashtu eurodeputetët e Komisionit për Punët e Jashtme, thonë se politika e jashtme e Shqipërisë dhe Malit të Zi është në përputhje të ngushtë me atë të Bashkimit Evropian

“Shqipëria dhe Mali i Zi vlerësuan anëtarët e familjes evropiane, me kontributin e tyre të fortë në sigurinë evropiane. Falënderojmë të dy vendet për angazhimin e tyre të palëkundur ndaj integrimit euroatlantik dhe shtrirjes së qëndrueshme të politikës së jashtme, duke përfshirë sanksionet përballë luftës së agresionit të Rusisë kundër Ukrainës”, nënvizojnë eurodeputetët.

Nga 23 maji deri më 26 maj, eurodeputetët, David McAllister, Željana Zovko, Hildegard Bentele, Thomas Waitz, Angel Dzhambazki, takuan shoqërinë civile dhe politikëbërësit në të dy vendet dhe shqyrtuan fondet e BE-së.