Pas ”lejes” për arrestimin e Berishës, reagimi i parë nga qeveria: S’ka natë që s’ka të gdhirë, sado qoftë e gjatë!

Pas votuan me 75 vota pro në seancën plenare për arrestimin e Sali Berishës nga SPAK, vjen edhe reagimi i parë nga qeveria. Ministrja për Shtetin dhe Parlamentin, Elisa Spiropali ka dhënë reagimin e parë të qeverisë, dhe sheh si pozitive zhvillimet e SPAK-ut në raport me Sali Berishën.

Ajo ka përshkruar situatën me një thënie të shkrimtarit dhe dramaturgut të njohur anglez William Shekspir. ”S’ka natë që s’ka të gdhirë, sado qoftë e gjatë”,-shkruan ministrja socialiste teksa ka publikuar edhe një bardhezi të Sali Berishës.

Kujtojmë që sot Kuvendi miratoi me 75 vota pro kërkesën e Prokurorisë së Posaçme mbi autorizimin për arrestimin e deputetit Sali Berisha përmes zëvendësimit të masës së sigurimit.