Pas ngjarjeve në Kumanovë, shtyhet dhënia e “Honoris Causa” për Ramën dhe Thaçin
Universiteti i Tetovës ka shtyrë ceremoninë e dhënies së titullit “Doctor Honoris Causa” për kryeministrin Rama dhe ministrin e Jashtëm të Kosovës Hashim Thaçi.
Vendim erdhi as situatës së tensionuar të krijuar në Kumanovë.
“Të nderuar. Për shkak të rrethanave të krijuara në vendin tonë, ceremonia e ndarjes së titullit Doctor Honoris Causa për kryeministrin e Republikës së Shqipërisë, z. Edi Rama dhe zëvendëskryeministrin e Republikës së Kosovës, z. Hashim Thaçi, shtyhet për një afat të pacaktuar kohor në të ardhmen. Për organizimin e ceremonisë së lartpërmendur, Universiteti Shtetëror i Tetovës do t’ju njoftojë paraprakisht.
Shpresojmë në mirëkuptimin Tuaj!”, thuhet në njoftimin e Universitetit të Tetovës.