Pas takimit të aleatëve të opozitës, PR: Duka të jetë kandidat i përbashkët në Durrës

Pas takimit të ditës së sotme të kryetarit të PD-së Lulzim Basha me aleatët, në kuadër të arritjes së një marrëveshjeje për zgjedhjet vendore, z. Arjan Madhi, përfaqësues i Partisë Republikane, mbajti një qëndrim për mediat.

Ish-deputeti deklaroi se “koalicioni duhet të krijojë besim te të gjithë dhe të ketë rregulla”.

Ai i mëshoi kërkesës së hershme të PR-së për të dalë me një kandidat të sajin në Bashkinë e Durrësit, pra me z. Agron Duka, që duhet mbështetur nga e gjithë opozita, përballë kryetarit aktual të Bashkisë Vangjush Dako, që do të jetë kandidatura e shumicës qeverisëse.

Zoti Madhi theksoi se kandidatët duhet të përcaktohen në bazë të sondazheve të zhvilluara dhe sipas tij z. Duka rezulton fitues në Durrës.