PD: Edi Rama zgjedh Arben Ndokën, jo Sekretarin Kerry

Kreut të Departamentit të Rendit dhe Sigurisë në PD, Enkelejd Alibeaj u shpreh sot se kryeministri Edi Rama nuk po mban premtimin për largimin nga postet politike të personave që kanë probeleme me drejtësinë.

Dekarata e plotë e Alibeajt

Mimi Kodheli pati rastin të takohej me Sekretarin amerikan të Shtetit, Kerry, i cili theksoi si sukses ligjin e dekriminalizimit.

Dy ditë më pas, ministrja e Edi Ramës shfaqet me Arben Ndokën, që është objekt i dekriminalizimit, një nga arsyet pse kjo nisëm e opozitës me mbështetjen e partnerëve ndërkombëtarë, u bë ligj.

Ja ku është fotoja e ministres së mbrojtjes me ish-deputetin, që dekriminalizimi e largoi nga parlamenti, por jo nga Edi Rama i cili i ka besuar qeverisjen e Lezhës të dënuarit për prostitucion dhe rrëmbim personi.

Jo vetëm kaq, por PS-ja e Lezhës tha dje se Ndoka është krenaria e saj.

Dy ditë pas vizitës së Kerrit, Edi Rama vazhdon të sfidojë mesazhin e tij, kërkesën e Shteteve të Bashkuara të amerikës, të miqve ndërkombëtarë dhe kërkesën e qytetarëve të vendit për pastrimin e politikës nga krimi.

Dy ditë më parë, Ndoka prezantoi prefektin e Lezhës. Dje ai u shfaq me Ministren e Mbrojtjes.

Pra është e qartë. Edi Rama ka zgjedhur Arben Ndokën, dhe jo sekretarin Kerri.

Ka zgjedhur krimin, dhe jo partnerët ndërkombëtarë.

Ka zgjedhur trafikantët, banditët, dhe jo qytetarët.