PD gati ekipin për zgjedhjet në Dibër, drejtues i fushatës Edi Paloka

Pas zyrtarizimit të kandidatit të PD-së, për zgjedhjet e pjesshme në Bashkinë Dibër, bëhet me dije se Kryetari i Partisë Demokratike, Lulzim Basha, ka mandatuar ekipin.

Kandidati i Aleancës Popullore për Punë dhe Dinjitet për bashkinë e Dibrës, Sherefedin Shehu, do të lërë mandatin e deputetit për të vazhduar garën.

Kështu që Basha ka caktuar nënkryetarin e PD, Edi Paloka si drejtues të fushatës. Ekipi do të përbëhet dhe nga deputeti Gent Strazimiri si i deleguar i zgjedhjeve për Qarkun, kreun e FRPD, Belind Këlliçi, kryetaren e Forumit të Gruas Albana Vokshi si dhe anëtarin e kryesisë, Kreshnik Çollaku.

Prezantimi i kandidatit të së djathtës në këto zgjedhje, Sherefedin Shehu do të bëhet këtë të shtunë në Dibër nga nënkryetari Edi Paloka.