PD, Halimi: Dekriminalizmi? Mazhoranca nuk kthen përgjigje

Deputet i Partisë Demokratike, Eduart Halimi, deklaroi të mërkurën se “nuk mund të miratohen ligje drejtësie me kartona deputetësh që kanë rekorde kriminale”.

Pasi kërkoi që opozita të ketë bashkë-drejtim në Komisionin e Drejtësisë, Halimi përsëriti se mazhoranca nuk i ka kthyer ende përgjigje PD-së për firmosjen e paktit për heqjen nga lista të deputetëve të inkriminuar. – “E kemi bërë të qartë: ka një kërkesë konkrete dhe mazhoranca nuk ka kthyer përgjigje”, -theksoi Halimi.

Deputeti i opozitës shtoi se ligjet në drejtësi po bëhen jo që t’i shërbejnë luftës ndaj korrupsionit, por kapjeve të institucioneve nga mazhoranca.