PD heq dorë nga Lefter Maliqi për Beratin, zyrtarizon kandidatin Kasem Mahmutaj

Partia Demokratike ka hequr dorë nga kandidati I përfolur deri më tani për Bashkinë e Beratit, Lefter Maliqin. PD-ja ka zyrtarizuar sot emrin e Kasem Mahmutajt, si kandidatin që do të përfaqësojë të djathtën përballë kandidatit të LSI-së Petrit Sinaj.

Përveç këtij kandidati, PD-ja ka zyrtarizuar edhe kandidatin për Kuçovën, i cili do të jetë Myslim Haxhi.

Deri më tani PD-ja ka zyrtarizuar disa kandidatë si Besnik Dushaj për Tropojën, Darien Xhindole për Lushnjen, për Prrenjasin Bajazit Karriqin dhe në Maliq Xhevdet Belishtën. Ende nuk janë zyrtarizuar kandidatët për bashkitë kryesore në Tiranë, Durrës, Vlorë, Fier dhe Korçë.