PD kallëzon penalisht Kokëdhimën për kështjellën ne Qeparo

Partia Demokratike depoziton në Prokurorinë e Përgjithshme një kallëzim penal për deputetin Koço Kokëdhima, për shpërdorim detyre, ndërtim të paligjshëm, pushtim toke e dëmtim mjedisi. Kallëzimi ka të bëjë me ndërtimin e një hoteli në plazhin e Qeparosë.

PD thotë se Kokëdhima ka shkelur 10 ligje dhe 2 plane urbane me ndërtimin e tij buzë detit. Sipas PD, kallëzimi vjen për shkak se edhe pse është dënoncuar publikisht paligjshmëria e këtij ndërtimi, autoritetet nuk kanë ndërhyrë për ta prishur siç kanë vepruar me rastet e tjera, pasi Kokëdhima mbrohet nga kryeministri Rama.

PD shpreh besimin se në këto kushte Prokuroria do të bëhet garante e zbatimit të ligjit. Opozita prej kohësh ka depozituar edhe një kërkesë për t'i hequr mandatin deputetit Kokëdhima, pasi e akuzon se ka përfituar fonde publike me anë të kompanisë Abissnet edhe pasi ishte mandatuar si deputet.