PD kërkon Komision hetimor për 25 prillin, kreu i OSBE-së nesër viziton Tiranën

Ministrja e Jashtme suedeze Ann Linde, që mban edhe postin e kreut të OSBE-së, nesër do të vizitojë Tiranën.

Sipas agjendës, Linde do të takojë aktorë të ndryshëm politik ku do të diskutojë kryesisht për sigurinë dhe bashkëpunimin rajonal, si dhe për programin e reformave të Shqipërisë.

Suedezja pritet të marrë pjesë në nënshkrimin e Memorandumit të Mirëkuptimit ndërmjet OSBE-së dhe Shqipërisë për fuqizimin e punës kundër rrezikut të shpërndarjes dhe keqpërdorimit të Armëve të Vogla dhe të Lehta, si dhe nuk do të mungoi një takim me shoqërinë civile.