PD: Presidenti nuk mund të kthehet në një mollë sherri

Emrin e Princ Lekës për të qenë President në Partinë Demokratike e dha deputetja Orjola Pampuri, e cila thotë se PS-ja nuk mund të pretendojë ti marrë të gjitha pushtetet. Ajo tha se është momenti për të folur me argumenta dhe se nuk duhet të shndërrohet çështja e presidentit në një mollë sherri mes palëve.

”Ne kemi një kushtetutë, patjetër që i shërben unitetit kombëtar, por jemi në demokraci dhe demokracia ka balancimin e pushteteve. Kemi një maxhorancë e cila është ilegjitime faktikisht, sepse nga raporti i OSBE ODIHR deri te të gjitha denoncimet tonë për tjetërsim vote, për blerje vote tashmë janë të vërtetuara.

Kemi një maxhorancë ilegjitime e cila nuk mund të pretendojë ti marrë të gjitha pushtetet dhe nuk mund të pretendojë tashmë të marri edhe presidentin. Një maxhorancë e cila ka shtrirë tentakulat nga Presidenti i Federatës deri tek Presidenti i Shqipërisë kjo është skandaloze pastaj. Kjo nuk mund të pranohet”.