PD sfidon maxhorancën, Boçi: 8 deputetët e përjashtuar do futen në sallën e Kuvendit

Nënkryetari i PD-së, deputeti Luçiano Boçi tha gjatë mledhjes së grupit të PD-së para nisjes së protestës, se 8 deputetët që maxhoranca i përjashtoi nga punimet e Kuvendit për 10 ditë, sot do të jenë në sallë.

Ai tha se vendimi për të përjashtuar 8 deputetët ishte jashtë çdo rregulli dhe nuk u respektua rregullorja e Kuvendit dhe për këtë arsye asnjë nga deputetët s’ka përse t’a respektojë ‘dënimin’ dhe do futen në sallë.

“Sot zhvendoset në një tjetër hap para parlamentit, një institucion i shndërruar në një mekanizëm qorr dhe vrasës të fjalës së lirë dhe eliminimit të opozitës. Në formën e gjyqeve politike janë përjashtuar 8 deputetë, ku vendim u mor jashtë çdo rregulli dhe ligji, jashtë çdo procedure parlamentare. Ne do të hyjmë në sallën e parlamentit, salla është e qytetarëve. Beteja jonë do jetë si brenda sallës edhe jashtë sallës”, tha Boçi.