PD: Tahiri duhet arrestuar që sot

Pas intervistës së dhënë sot në “Top Story”, ku ministri Tahiri pranoi se ekziston një pajisje për përgjime në Ministrinë e Brendshme, por që nuk është përdorur për këtë qëllim, ka reaguar dhe PD.

Sekretarit të Përgjithshëm të Partisë Demokratike, Arben Ristani, thotë se “Ministri Tahiri duhet arrestuar, pasi pranoi se pajisja nuk është e regjistruar”.

Deklarata e plotë e Ristanit:

“Ne te njejtin televizion, ku genjeu per Audin e vet narkotaksi e nuk mbajti pergjegjesi.

Pikerisht ky qe genjeu per Shullazin e prape nuk mbajti pergjegjesi, genjeu per Habilajt, genjen per Balilin e nuk mban pergjegjesi, genjeu publikisht per BKH e nuk u skuq fare. Pikerisht ky sherbetor e ushtar i bandave, nga e njejta karrige e te njejtes studio, tregoi se ka genjyer edhe per paisjen e pergjimit.

Mes gafave, genjeshtrave dhe belbezimeve Sajmir Tahiri pranoi se paisja pergjuese nuk eshte regjistruar askund, pra eshte e paligjshme. 3 here u pyet sonte ne top story, a eshte e regjistruar, dhe te 3 heret i ra vrimes se vetme te fyellit qe ai di, sulmoi opoziten.

Eshte e qarte se paisja nuk eshte regjistruar. Vetem per kete shkelje te ligjit, pa pritur hetimin e plote per regjistrimet e telefonatave e komunikimeve, Tahiri duhet te arrestohej qe sonte”.