PDIU bashkohet me PS në zgjedhjet lokale

Partia për Drejtësi Integrim dhe Unitet e Shpëtim Idrizit nuk do të jetë më pjesë e opozitës, por do të garojë në një koalicion me Partinë Socialiste në zgjedhjet lokale të 21 qershorit. Burime pranë mazhorances bëjnë të ditur se marrëveshja me partinë që mbron interesat e komunitetit çam është drejt mbylljes dhe pritet që forca e drejtuar nga Shpëtim Idrizi, të marrë bashkinë e Konispolit dhe Peqinit. Kjo shënon edhe fundin e marrëveshjes se PDIU me të djathtën dhe që nuk vjen e papritur, pasi 5 deputetet e kësaj partie në korrikun e vitit të kaluar, bashkuan votat me qeverinë për të miratuar hartën e re territoriale. Çështja e marrëveshjes me PDIU, por edhe me LSI është diskutuar edhe në mbledhjen që kryeministri ka zhvilluar me deputetet e qarqeve Korçë dhe Elbasan në lidhje me përgatitjet për zgjedhjet lokale.