PE mblidhet në seancë të jashtëzakonshme për Ukrainën, Zelensky flet mes lotësh

Parlamenti Europian është mbledhur në seancë të jashtëzkonshme për të diskutuar lidhur me anëtarësimin e Ukrainës në Bashkimin Europian.

Në këtë seancë, Presidenti ukrainas, Volodymyr Zelensky, ka dhënë mesazhin e tij mes lotësh përmes një video-konference, duke thënë se ushtria ruse vrau dje 16 fëmijë sepse “Ukraina zgjodhi Europën, prandaj zgjidheni dhe ju Ukrainën“.

“Të pranishëm në këtë seancë plenare, ju përshëndes. Nuk di si t’ju falënderoj e përshëndes të gjithëve, pasi nuk mundem të them mirëmëngjes apo mirëmbrëma, sepse çdo ditë për disa njerëz është e fundit. Unë flas sot për qytetarët e mi, për qytetarët e Ukrainës që po mbrojnë duke paguar dhe çmimin më të lartë, po mbrojnë lirinë. Jam i lumtur që është kjo frymë bashkuese, jam i lumtur që jeni bashkuar të gjithë vendet e BE. Nuk e kam ditur, por ky është çmimi që ne duhet të paguajmë”, ka shtuar më tej Presidenti Zelensky.