Përfundimi i muajit të shenjtë të Ramazanit, Begaj: Zoti ju bekoftë dhe ju udhëzoftë në rrugën e drejtë

Presidenti Bajram Begaj uron besimtarët myslimanë me rastin e përfundimit të muajit të shenjtë të agjërimit.

“Bajram të bekuar për të gjithë myslimanët, ata që agjëruan dhe ata që nuk mundën, por që me lutje i janë afruar Zotit përgjatë muajit të shenjtë të Ramazanit.

Uroj që ky Fitër Bajram t’ju gjejë me shpirt të pastër, me gëzim, begati e devotshmëri për vepra të shtuara të mira.

Kjo ditë shënjon shpresën dhe besimin se durimi, përpjekja dhe solidariteti njerëzor shpërblehen. Zoti ju bekoftë dhe ju udhëzoftë në rrugën e drejtë!”, shkruan kreu i Shtetit.