Përjashtimi i Berishës, ish-presidenti Topi: Basha ka një benefit të fortë, që është nota kaluese nga SHBA

Për ish-presidentin e Shqipërisë, Bamir Topi, kreu i PD-së Lulzim Basha, është në të drejtën e tij për të marrë vendime si ai i përjashtimit të ish-kryeministrit Sali Berisha nga grupi parlamentar i PD-së. Por çfarë fshihet pas vendimit dhe çfarë përfiton Basha?

Për të Basha me këtë vendim ka një benefit të fortë që është nota kaluese nga SHBA-ja. Po ashtu Topi thekson se kreu i PD-së ka qenë në provë nga SHBA-ja, e cila kërkon të provojë kredibilitetin e opozitës.

”Sipas meje Basha ka një benefit të fortë sot. Ka marrë nota kaluese sepse akoma ka shumë beteja. Një vend partner si SHBA duan të shohin kredibilitetin e liderit të opozitës. Kjo është loja e demokracisë. Basha ka qenë në provë. Prova më e madhe që shikohet besoj është mënyra e interpretimit të demokracisë që fillon me demokracinë e brendshme ku Basha ka defekt të madh. Gjatë rrugës ka çeduar. Ishin në parlament, ikën. Nuk u futën në zgjedhje. PD ka arritur një fitore minimaliste. Rrugëtimi është i fortë, i vështirë dhe betejën e madhe e ka me mazhorancën që i ka të gjitha pushtetet”,-tha për ”News 24”.

Ish-presidenti Bamir Topi, nga kjo situatë edhe kryeministri Edi Rama përfiton një qeverisje komode dhe të qetë, por që nuk zgjat shumë.