Petrit Vasili: Rrangalla dhe delenxhinjtë rilindas punojnë kundër integrimit europian dhe pro izolimit

Nënkryetari i LSI, Petrit Vasili ka sjellë një video të Kryeministrit Edi Rama dhe Sekretarit të Pergjithshëm të PS, Taulant Balla, të cilët premtojnë hapjen e negociatave brenda vitit 2019.

Ndërsa nga ana tjetër Ministri i Jashtëm në detyrë, Gent Cakaj, thotë se asnjëherë nuk është premtuar hapja e negociatave.

Krahas videos, në postimin e tij në Facebook, Vasili shprehet se rrangalla dhe delenxhinjtë rilindas punojnë kundër integrimit europian dhe pro izolimit.

“Dje bënin sikur vdisnin për integrimin europian që nga Rrangalla e deri tek këta lapangjozët e tjerë. Po sot? Këta qesharakë dhe gënjeshtarë punojnë si gjithmonë kundër integrimit europian dhe pro izolimit”,- shkruan ndër të tjera, Vasili.

Postimi i plotë i nënkryetarit të LSI, Petrit Vasili

Mashtruesit e integrimit
KM Rrangallë dhe Delenxhinjtë anti Integrim!(VIDEO).

Dje bënin sikur vdisnin për integrimin europian që nga Rrangalla e deri tek këta lapangjozët e tjerë.

Po sot? Këta qesharakë dhe gënjeshtarë punojnë si gjithmonë kundër integrimit europian dhe pro izolimit.

Këta duan që shqiptarëve t’u vihen sërish vizat, të izolohen ekonomikisht nga Europa dhe të varfërohen në ekstrem dhe të ikin nga Shqipëria.

Kush beson Rrangallën dhe delenxhinjtë e tjere rilindas ka probleme me veten e tij se faktet ulerijnë.