Pjerin Ndreu i PS kërkesë Tahirit: Mos e hidhni në rrugë si leckë Artan Didin

Deputeti i PS Pjerin Ndreu i kërkon ministrisë së Brendshme dhe qeverisë që të mos e hedhë në rrugë Artan Didin, pasi ai i ka shërbyer më së miri vendit dhe me devotshmëri policisë.

“Artan Didi është viktima e radhës, megjithëse e kaloi me shumë lavdi periudhën e drejtimit të policisë së shtetit. Si ish drejtues i lartë policie, i pari që kam dhënë dorëheqjen nën presionin e politikës së kriminalizuar jam në krah të Didit, duke kërkuar përgjegjshmëri nga politika, që drejtuesit e policisë të mos hidhen në rrugë si lecka sepse janë një aset që shteti ynë i ka me pakicë. Dorëheqja e tij gjithsesi është akt qytetarie e përgjegjshmërie por që flet shumë pë rata që duan ta kuptojnë” shkruan Pjerin Ndreu.

Dhe pse Didi dha dorëheqjen dhe kjo u miratua nga kryeministri, Ndreu fajëson “stanin e llumit të PD” siç thotë ai që bëri drejtues policie, marangozë, kaldaistë, zooteknikë, agronomë etj “duke e kthyer policinë e shtetit në një parcel eksperimentale që krimi të livadhiste si ti donte qefi”.