‘Plas’ në Vorë, LSI protestë për rezultatin: Të përsëriten zgjedhjet

Simpatizantët e Lëvizjes Socialiste për Integrim janë duke zhvilluar një protestë në Bashkinë e Vorës. Sipas protestuesve rezultati në këtë njësi vendore, ku u shpall fitues kandidati i djathtë nuk është i rregullt.

Simpatizantët e LSI kundërshtojnë se dy kuti votimi janë të parregullta. Gjithashtu ata pretendojnë se procesi dhe rezultati është deformuar nga votues fiktivë.

Në protestë janë me qindra qytetarë, si dhe kandidati i majtë për këtë bashki, Luan Sallaku, të cilët nuk njohin rezultatin, me pretendimin se në lista ka pasur votues fiktivë.   Mësohet se protestuesit janë shfaqur me thasë me miell, duke kundërshtuar fitoren e APPD.  

"U deformuan zgjedhjet në Vorë, nuk heqim dorë nga drejtësia. Janë shtuar 600 votues fiktivë", kanë thënë protestuesit.