Plas te Komisioni i Edukimit! Deputetja e PD-së i heq me forcë mikrofonin ministres

Deputetja e PD-së, Ina Zhupa, është përplasur ashpër me ministres e Kulturës Elva Magariti në Komisionin Parlamentar të Edukimit.

Ina Zhupa ka kërkuar të mos i jepej fjala Ministres Margariti, duke përplasur edhe dorën mbi tavolinë, ndërsa tha se marrëveshja për dhënien e Butrintit me koncesion 10-vjeçar është sekret.

Zhupa iu drejtua më pas Ministres duke i thënë se kërkon ta japë Butrintin si mall, sikurse bëri me Teatrin.

Por Zhupa më pas është afruar drejt ministres duke i hequr me forcë mikrofonin.

Pjesë nga debati:

Zhupa: Nuk vazhdon… (përplas dorën në tavolinë)

Margariti: Pas një prezantimi dhe patosi kinematografik, Butrinti nuk është personal as i imi as i joti, jemi këtu për këtë projektligj dhe deri më sot kalon akoma në të gjithë elementet e padijes. Jemi këtu për të informuar, shtuar elementet e dijes ku mungojnë….

Zhupa: Nuk vazhdon… (Ngrihet dhe i heq me forcë mikrofonin)

Maragriti: Të pëlqen s’të pëlqen do më dëgjosh deri në fund…

Zhupa: Turp!

Maragrititi: Ti je fytyra e turpit në këtë komision, antinjeriu dhe antifemra.

Zhupa: Turp, të të vijë zor nga vetja!

Maragriti: Butrinti do i mbesë shtetit dhe do menaxhohet nga një fondacion i posaçëm.