Plas te Komisioni i Ekonomisë! Debate të ashpra mes Erion Braçes dhe Edmond Spahos

Mbledhja e Komisionit të Ekonomisë, ku po diskutohet paketa Fiskale u shoqërua me debate të ashpra mes deputetit socialist, Erion Braçe dhe demokratit Edmond Spaho.

Ndërhyrja e vazhdueshme e deputetit të PD-së, Spahos gjatë fjalës së ish-zëvendëskryeministrit, teksa ai po ngrite disa pyetje mbi paketën fiskale, e acaroi Braçen i cili fiku mikrofonin duke refuzuar vijimin e debatit.

Pjesë nga debati

Erion Braçe: Më vjen turp që në këtë Kuvend sa kohë kam, i vetmi diskutim që bëhet, shtyhet deri në një farë vendi dhe tërhiqet është birra. Turpërohen deputetët në sallën e Kuvendit sa herë u duhet të ulin kokën dhe të ngrejnë dorën që të mbajmë në fuqi ata përjashtim që kemi.

Meqënëse e kam parë në listën e FMN-së të hiqet ai përjashtim atje. (Ndërhyn Spaho)

A ka mundësi ta mbaroj. Ti fole unë nuk të ndërhyra? Ti fole, ç’a ke tani? Po mirë po ç’a duhet të bëj? Ta qep? Ta mbyll? Po mirë po e mbyll atëherë!

Eduart Shalsi: Një sekond, një sekond o zoti Spaho!

Edmond Spaho: Ne e dimë arsyen e vërtetë. Ndjesë!

Eduart Shalsi: Ça vlere ka kjo ndjesa që ndërpret gjithmonë. Merr mikrofonin dhe do flasësh sa të duash. Ç’është ky zakon tani?

Po e përcakton ti tani, ke nevojë ta pyesësh s’ke nevojë të pyesësh. Këto ndërhyrje nuk i vlejnë fare as qëllimit të pyetjes as dëshirës për të kuptuar mirë ca gjëra të tjera.