Policia përdor gaz lotsjellës në sherrin mes tifozëve, shoqëron disa prej tyre

Pas ndeshjes së skuadrave Tirana-Zrinjski Mostar (Bosnja) ka pasur përplasje mes tifozëve jashtë stadiumit “Air Albania”.

Mësohet se policia ka përdorur gaz lotsjellës për të shpërndarë protestuesit. Përplasja ka ardhur pas përfundimit të ndeshjes ku Tirana u mposht me shifrat 1 me 0 nga skuadra boshnjake.

Policia ka kryer disa shoqërime për përplasjen e ndodhur ndërsa në vendngjarje dallohen edhe njolla gjaku të shkaktuara nga shishet e qelqit që tifozët morën nga lokalet përreth.