Lindita Nikolla takime pas letrës së Bordit të Autoritetit për dosjet e ish-Sigurimit

Kryetarja e Kuvendit, Lindita Nikolla, ka thërritur në mbledhje kryetarët e grupeve parlamentare për t’u vënë në dispozicion dosjen e Autoritetit për Informim mbi Dosjet e Sigurimit te Shtetit.

Bëhet me dije se kryeparlamentarja Lindita Nikolla do takojë kryetarët e grupeve parlamentare veçmas në orare të ndryshme. Deri në këto momente ajo ka zhvilluar takimin me Ballën. Ndërkohë pritet të takojë edhe Enkelejd Alibeajn dhe Fatmir Mediun. Autoriteti i Dosjeve kërkon ndryshimin e ligjit për të verifikuar edhe politikanët e lartë që dolën të pastër nga dy Komisionet në vitet ’90.

Me sa duket loja politike dhe pritja e vjeshtës me protesta ka zgjuar hapjen e dosjeve.