Prenga: Akuzat shpifje, lagunën e Patokut e ka marrë ish-deputetja e PD Paulina Hoti

Deputeti i Partisë Socialiste Armando Prenga ka reaguar në lidhje me akuzat e bëra nga Partia Demokratike. I pyetur nga A1 Report, deputeti Prenga i ka cilësuar shpifje akuzat e selisë blu sipas së cilës vëllai i deputetit ka marrë lagunën e Patokut përmes një tenderi të dyshimtë.

Prenga ka theksuar se ai dhe vëllezërit e tij janë të ndarë, duke shtuar se se laguna e Patokut është marrë në mënyrë klienteliste nga nipërit e ish-deputetes së PD Paulina Hoti përmes firmës së saj “Cali”.

Ai ka kërkuar nga Partia Demokratike që të faktojë akuzat dhe nëse ata të dalin të vërteta atëherë vëllai i tij të përgjigjet para drejtësisë. Por në të kundërt, t’i jepet fund këtyre shpifjeve të vazhdueshme të opozitës.

“Nuk merrem me biznes. Merrem me politik. Vëllezërit e mi janë të ndarë nga mua, kanë punët e tyre. Merrem me politikë. Aktualisht lagunën e kanë marrë në mënyrë klienteliste nipat e Paulina Hotit , firma “Cali”. Akuzat e PD nuk qëndrojnë, nëse vëllai im ka marrë diçka jashtë ligjit të reagojnë institucionet. Nëse është marrë në rregull, PD t’i japin fund shpifjeve. I përbuz me neveri këto shpifje. Me vjen keq keq që ende nuk kemi dalë nga një llumhanë e vjetër e PD.” theksoi në fjalën e tij Prenga .