Presidenca :Disa media shpifin!

Zyra e shtypit e Presidentit të Republikës përgënjeshtron dhe dënon spekulimin e Gazetës MAPO (faqja elektronike), e cila ka përhapur në opinionin publik një informacion krejt të pavërtetë për gjoja pushime të Presidentit në një jaht luksoz në jug të vendit.

Presidenti i Republikës, Bujar Nishani nuk ka qënë kurrë në jug të vendit duke pushuar në një jaht luksoz.

Ditën e shtunë, në datë 22 gusht 2015, Presidenti i Republikës ka pritur për një vizitë Babain Emir të Katarit, Lartësinë e Tij, Sheikh Hamad Bin Khalifa Al-Thani në qytetin muze të Gjirokastrës ku e ka njohur mikun e veçantë me trashëgiminë e pasur kulturore dhe historinë e Shqipërisë.

Zyra e shtypit të Presidentit të Republikës shpreh keqardhjen për këtë shpërdorim vulgar të medias për shërbime qeveritare.

Institucioni i Presidentit të Republikës rezervon të drejtën për t’ju drejtuar gjykatës për këtë shpifje dhe denigrim të figurës së Kreut të Shtetit.