Presidenti Begaj: Kemi bërë hapa përpara në Reformën në Drejtësi

Presidenti i Republikës së Shqipërisë, Bajram Begaj, gjatë fjalës së tij për 25-vjetorin e Kushtetutës, është shprehur se shpallja e saj pas rënies së komunizmit ishte jehonë e përpjekjeve në shekuj për të ndërtuar një shtet modern.

Gjithashtu Begaj tha se Parimi i shtetit të së drejtës, është një element themelor i sanksionuar në preambulën e Kushtetutës së Shqipërisë, dhe se përbën kusht të domosdoshëm për një shoqëri të lirë dhe demokratike.

“Kushtetuta e vitit 1998 është shprehje e aspiratës për një Shqipëri demokratike e shtetit tonë. Një rol të veçantë ka luajtur komisioni i Venecias duke thënë ndër vite opinione dhe këshillime të rëndësishme. Shpallja e Kushtetutës së parë pas rënies s diktaturës u bë ditën e pavarësisë, duke hedhur themelet e shtetit të së drejtës dhe konsolidimit të demokracisë.

Ajo ishte jehonë e përpjekjeve tonë në shekuj për të ndërtuar një shtet modern. Parimi i shtetit të së drejtës, është një element themelor i sanksionuar në preambulën e Kushtetutës së Shqipërisë. Ky parim përbën një kusht të domosdoshëm për një shoqëri të lirë dhe demokratike”, tha Begaj.