Presidenti Begaj nis nesër vizitën në Itali, pritet të takohet me Mattarellën dhe komunitetin arbëresh

Presidenti Bajram Begaj, do të zhvillojë një vizitë zyrtare në Itali në datat 26-27 maj 2023 me ftesë të homologut italian, Sergio Mattarella. Begaj do të pritet me nderimet e rastit nga Mattarella ndërsa më pas do të zhvillojnë bisedime të veçanta dhe të zgjeruara në Pallatin Quirinalle.

Sipas njofotimit, në qendër të bisedimeve do të jenë rikonfirmimi i marrëdhënieve të shkëlqyera e shumëdimensionale dypalëshe, procesi i integrimit evropian të Shqipërisë dhe mbështetja e vyer e Italisë, kontributi i Shqipërisë në rajonin e Ballkanit Perëndimor, si dhe çështje të tjera që lidhe me interesin gjeopolitik.

Gjatë qëndrimit në Romë, presidenti do pritet në një takim të veçantë edhe nga Presidenti i Dhomës së Deputetëve, Lorenzo Fontana. Në ditën e dytë të vizitës, Begaj do të vizitojë rajonin e Abruzzo-s, ku do të pritet nga autoritetet vendore të këtij rajoni, në l’Aquila dhe Chieti.