Presidenti Begaj shkon në ambasadën e Italisë, mesazh ngushëllimi për Berlusconin: Do ta kujtojmë me nderim

Presidenti i Republikës Bajram Begaj, ishte sot në Selinë e Ambasadës Italianë në Tiranë, ku ngushëlloi nëpërmjet një mesazhi qeverinë dhe popullin Italian për ndarjen nga jeta të ish Kryeministrit Silvio Berlusconi.

“Ndarja nga jeta e ish-Kryeministrit italian, Silvio Berlusconi më hidhëroi shumë. Italia humbi një politikan e sipërmarrës të suksesshëm e me shumë influencë, por edhe shqiptarët humbën një mik të mirë. I shpreh ngushëllimet më të ndjera familjarëve e të afërmve të Kryeministrit Berlusconi, si dhe autoriteteve e popullit italian. Shqiptarët do ta kujtojnë gjithmonë Kryeministrin Berlusconi, me nderim e respekt, për gjithçka ai bëri ta. U prehtë në paqe!”, shkruan presidenti Begaj.

Silvio Berlusconi u nda nga jeta mëngjesin e së hënës në moshën 86-vjeçare. “Kavalieri” u shtrua të premten në spitalin San Raffaele në Milano për shkak të leucemisë dhe infeksionit në mushkëri dhe shëndeti i tij u përkeqësua, për pasojë humbi jetën dy ditë më parë.