Presidenti Begaj vizitë në Shkodër, takon kreun e bashkisë, Bardh Spahia
Politikë E Mërkurë, 5 Tetor 2022 10:18
Presidenti Bajram Begaj, ka nisur takime në qytetin e Shkodrës. Mësohet se fillimisht Begaj u prit nga kryetari i bashkisë Bardh Spahia. Takimi zgjati rreth një orë.
Më pas Presidenti Begaj pritet të vijojë me dekorimin e shkollës “28 Nëntori” me titullin “Nderi i Kombit”.
Sakaq pas këtij aktiviteti pritet që presidenti të takohet edhe me prefekten e qarkut Shkodër, Majlinda Angoni dhe më pas me komunitetet fetare.
