Presidenti firmos 21 qershorin 2015 si datën e zgjedhjeve të ardhshme lokale

Presidenti i Republikës, Bujar Nishani dekreton caktimin e datës së zgjedhjeve për organet e qeverisjes vendore, e cila do të jetë 21 qershori 2015.

Ja dekreti që ka firmosur kreu i shtetit:

DEKRET 
PËR 
CAKTIMIN E DATËS SË ZGJEDHJEVE 
PËR ORGANET E QEVERISJES VENDORE

Në mbështetje të nenit 92, shkronja “gj” dhe 93 të Kushtetutës së Republikës së Shqipërisë, si dhe të nenit 9, paragrafi 1 dhe 2 dhe nenit 10, paragrafi 1 dhe 2 të ligjit nr. 10019, datë 29.12.2008 “Kodi Zgjedhor i Republikës së Shqipërisë” i ndryshuar,

D e k r e t o j

Neni 1

Zgjedhjet për organet e qeverisjes vendore të zhvillohen ditën e diel, më datë 21 qershor 2015.

Neni 2

Ky dekret hyn në fuqi menjëherë.

Nr. Dekretit 8844
Tiranë, më 15.12.2014