Presidenti i Azerbajxhanit pret Ramën: Gati bashkëpunimi për sektorin e energjisë dhe tregtisë
Presidenti i Azerbajxhanit, Ilham Aliyev ka dhënë detaje për takimin që zhvilloi me kryeministrin Edi Rama. Ai thotë se kanë diskutuar për bashkëpunimin në sektorin e energjisë si edhe në rritjen e shkëmbimeve tregtare.
“Vizita dëshmon nivelin e lartë të dialogut politik mes vendeve tona, jemi takuar shumë herë, kemi komunikuar dhe po kështu edhe gjatë aktiviteteve ndërkombëtare kemi shfrytëzuar mundësinë për tu takuar me njëri-tjetrin.
Do shkëmbejmë informacion dhe do flasim për rritjen e qarkullimit tregtar, po kështu do flasim edhe për bashkëpunim në sektorin e energjisë. Prej një viti jemi bërë eksportues i gazit natyror drejt Europës dhe Shqipëria ka qenë mbështetëse e kësaj nisme. Jemi në një ekip vendesh që kanë zbatuar me sukëss këtë projekt historik duke pasur parasysh rëndësinë e gazsjellësit transatlantik.
Ky është një sektor shumë i mirë i bashkëpunimit tonë që ka potencial për tu rritur. Po zhvillojmë takime për të rritur bashkëpunimin në fushën e energjisë, është pjesë mjaft e madhe e agjendës sonë dypalëshe. Ajo ç’ka është në proces bisedimesh do sjell zhvillime të reja”.
