Presidenti i ri? Meta: Negociatat PD-PS një farsë, asnjë problem nëse pasardhësi im është socialist

Presidenti i Shqipërisë, Ilir Meta thotë se negociatat që PS-ja kërkon të bëjë me PD-në për Presidentin e ri është një farsë. Po ashtu ai tha se nuk ka asnjë rëndësi nëse pasardhësi i tij është socialist, por që mjafton të jetë person me integritet.

“Të gjitha lojërat pas 25 prillit, përfshirë dhe këtyre farsave e negociatave për zgjedhjet e Presidentit janë për tu dhënë një legjitimitet këtyre gjërave.

Për mua nuk ka asnjë rëndësi nëse Presidenti i vendit është socialist, mjafton të jetë person me integritet, nëse ata e ndjejnë që kanë një shumicë të mjaftueshme e legjitime për të zgjedhur presidentin e vendit.

Në rast se ata e ndjejnë se se duhet të jetë një President nga opozita për të rregulluar balancat, atëherë ata duhet t’ua kalojnë atyre”.