Presidenti Meta: Inkurajoj terapinë me plazmë hiperimune, të kërkohet ndihmë nga Italia

Për situatën në të cilën po kalon vendi me Covid-19, Presidenti i Shqipërisë, Ilir Meta përmes një postimi në facebook, thotë se inkurajon terapinë me plazmë hiperimune por nënvizon se së pari duhen të gjitha aparaturat që bëjnë të mundur aplikimin e saj. ”Në këtë situatë, është shumë e rëndësishme të kërkohet ndihmë nga Italia për asistimin me specialistë, si një vend me eksperiencë të spikatur për vënien në zbatim të këtij protokolli”.

Postimi i plotë

Nisur nga informacionet përgjithësisht pozitive lidhur me terapinë me plazmë hiperimune (konvaleshente) dhe për shkak se aplikimi i saj ka rezultuar mjaft i dobishëm për pacientët me COVID-19, inkurajoj të ecet sa më shpejt me këtë terapi, duke siguruar së pari të gjitha aparaturat që bëjnë të mundur aplikimin e saj.

Në këtë situatë, është shumë e rëndësishme të kërkohet ndihmë nga Italia për asistimin me specialistë, si një vend me eksperiencë të spikatur për vënien në zbatim të këtij protokolli.

Kjo do të mundësonte jo vetëm një aplikim të sukseshëm dhe zbatim strikt dhe shkencor të këtij protokolli, por dhe do evitonte çdo lloj pasaktësie e pasigurie, që mund të verifikohet në praktikë.