Presidenti Meta: Krenar për mbrojtjen që Shqipëria u bëri hebrenjve

Presidenti Ilir Meta ka marrë pjesë në takimin tradicional të “Mëngjesit të Lutjeve” të Jeruzalemit, organizuar nëpërmjet një konferencë.
Aktivitet është organizuar nën kujdesin e veçantë të Presidentit të Izraelit, Reuven Rivlin dhe në të ka marrë pjesë dhe Sekretari Amerikan të Shtetit🇺🇸, Michael Pompeo. Gjatë fjalës së tij, kreu i shtetit ka vlerësuar mbrojtjen që shqiptarët u bënë hebrenjve gjatë Luftës së Dytë Botërore.
“I nderuar të merrja pjesë sot, nëpërmjet një video-konference, në takimin tradicional të “Mëngjesit të Lutjeve” të Jeruzalemit, të organizuar nën kujdesin e veçantë të Presidentit të Izraelit🇮🇱, Reuven Rivlin, me pjesëmarrjen e Sekretarit Amerikan të Shtetit🇺🇸, Michael Pompeo dhe personaliteteve të larta shtetërore e politike nga mbarë bota.
Shpreha krenarinë për kombin shqiptar që në periudhën më të errët të njerëzimit, Luftën e Dytë Botërore, mikëpriti dhe mbrojti hebrenjtë, duke mos dorëzuar asnjë prej tyre, si edhe për harmoninë tonë ndërfetare unike, shembull frymëzues për njerëzimin”,- shkruan kreu i shtetit në një mesazh publikuar në rrjetet sociale.